Imagjinoni për një çast që nuk keni kulm mbi kokë — ose jetoni në një shtëpi të rrënuar, që pikon nga çdo cep, duke e bërë të pabanueshme. Është e tmerrshme edhe vetëm ta paramendosh. E lëre më ta jetosh. Megjithatë, kjo është realiteti i përditshëm i shumë familjeve në trojet tona — familje që përballen jo vetëm me mungesën e ushqimit dhe nevojave bazike, por edhe me hallin e madh të strehimit.
Që nga viti 2008, QSA ka inicuar projektin e ndërtimit të shtëpive humanitare, duke qenë ndër organizatat e para në këto troje që ka marrë përsipër një mision të tillë. Deri më sot, falë bamirësve dhe solidaritetit të qindra njerëzve të mirë, dhjetëra familje kanë gjetur strehim të sigurt dhe të denjë — një shtëpi të tyre, një fillim të ri.
së projektit
shtëpi të re
për të ndihmuar
Fuqia e bashkëpunimit
Një nga veçoritë më dalluese të këtij projekti është bashkëpunimi me bizneset lokale. Krahas diasporës sonë që kontribuon me donacione financiare, edhe ndërmarrjet vendore luajnë rol kyç — duke ndihmuar me mjete financiare, materiale ndërtimi, artikuj të nevojshëm apo shërbime zanate. Ky model partneriteti ka rritur ndjeshëm ndikimin e projektit dhe ka krijuar një zinxhir solidariteti të vërtetë.
Si kontribuojnë partnerët tanë
- Donacione financiare nga diaspora shqiptare
- Dhurim materialesh ndërtimi nga bizneset lokale
- Shërbime zanate falas — murator, elektricist, hidraulik
- Kontribute individuale — edhe 1 euro në ditë bën ndryshim
Si mund të ndihmoni?
Edhe ju mund të bëheni pjesë e këtij misioni. Me aq sa posedoni, mund të kontribuoni për ndërtimin e një shtëpie për një familje pa strehë. Nëse të gjithë bashkë kontribuojmë me vetëm 1 euro në ditë gjatë gjithë vitit, mund të bëhemi arsyeja pse një familje e varfër ka sot kulm mbi kokë — dhe shpresë për nesër.
1 € në ditë = 365 € në vit = kulm mbi kokën e një familjeje në nevojë.
Dhuro tani
